२१ पुस, काठमाडौं । रौतहटमा बेवारिसे अवस्थामा फेला परेको गाडी पाँच महिनापछि प्रहरीले भन्सार कार्यालयमा बुझाएको छ ।
गत साउन २७ गते दिउँसो नियन्त्रणमा लिएको बीआर ०१ पीएल ९३८७ नम्बरको महिन्द्रा कम्पनीको स्कारपियो गाडी प्रहरीले गत शुक्रबार गौर भन्सार कार्यालयमा बुझाएको हो ।
चोरीको गाडी चलाइरहेको भन्ने सूचनाको आधारमा प्रहरीले दुर्गाभगवती गाउँपालिका-३ मतसरीमा फेला पारी नियन्त्रणमा लिएको थियो ।
लामो समयसम्म पनि उक्त गाडी कसैले दाबी नगरेपछि भन्सार पठाइएको प्रहरीले जनाएको छ । उक्त गाडीको मूल्य ३० लाख बराबरको रहेको छ ।
