२०८१ फागुन २६ गते
२६ फागुन, काठमाडौं । शहीद स्मारक बी डिभिजन लिगअन्तर्गत सोमबार भएको दोस्रो खेलमा ब्रिगेड ब्वाइज क्लबले जित निकालेको छ ।
सातदोबाटोस्थित एन्फा कम्प्लेक्समा भएको खेलमा ब्रिगेड ब्वाइजले श्री कुमारी क्लबलाई २-१ गोलअन्तरले हराएको हो ।
ब्रिगेड ब्वाइजको जितमा आशिष गुरुङले दुई गोल गरे । आशिषले १५औं र ४९औं मिनेटमा गोल गरेका थिए । कुमारीका प्रणय गुरुङले ६१औं मिनेटमा गरेको गोल सान्त्वना बन्यो ।
जितपछि ब्रिगेड ब्वाइजले ३ अंक जोडेको छ । यसअघि आज भएको पहिलो खेलमा प्लानिङ ब्वाइजले झापालाई हराएको थियो ।
